ന്യൂയോർക്ക്: കലിഫോര്ണിയയിൽ അബോധാവസ്ഥയിലായ ഇരുപത്തിയൊന്നുകാരിയെ ടാക്സിക്കുള്ളില്വച്ച് പീഡിപ്പിച്ച ഇന്ത്യന് വംശജന് പിടിയില്. മുപ്പത്തിയൊന്നുകാരനായ ഡ്രൈവർ സിമ്രന്ജിത് സിംഗ് ശേഖണിനെയാണ് കലിഫോര്ണിയ പോലീസ് അറസ്റ്റ് ചെയ്തത്. കോടതിയിൽ ഹാജരാക്കി പ്രതി കുറ്റം നിഷേധിച്ചു.
നവംബര് 27ന് പുലര്ച്ചെ ഒരുമണിയോടെയാണ് സംഭവം. ഇരുപത്തൊന്നു വയസുള്ള യുവതി തൗസന്റ് ഓക്ക്സിലുള്ള ബാറില്നിന്നാണ് ടാക്സിയില് കയറിയത്. അമിതമായി മദ്യപിച്ചിരുന്ന യുവതി അല്പസമയത്തിനുള്ളില് അബോധാവസ്ഥയിലായി. ലക്ഷ്യസ്ഥാനത്ത് എത്തിക്കുന്നതിനു പകരം യുവതിയെ ടാക്സിക്കുള്ളില്വച്ച് ശേഖണ് ബലാത്സംഗം ചെയ്യുകയായിരുന്നുവെന്നാണ് കേസ്.
